Advertisement
Lennim Jobs
இரண்டாவது இன்னிங்சிலும் வங்க தேசம் தடுமாறுவதால் இந்தியாவிற்கு வெற்றிவாய்ப்பு...

24-11-2019

இரண்டாவது இன்னிங்சிலும் வங்க தேசம் தடுமாறுவதால் இந்தியாவிற்கு வெற்றிவாய்ப்பு...

24-11-2019

கொல்கத்தா கிரிக்கெட் டெஸ்ட்டில் இரண்டாவது இன்னிங்ஸ்சிலும் வங்கதேச அணி ரன் எடுக்க திணறி வருவதால் இந்திய அணி இந்த போட்டியிலும் வெற்றிபெறும் என எதிர்பாக்கப்படுகிறது.

இந்திய கிரிக்கெட் வரலாற்றில் முதல் முறையாக பகலிரவு டெஸ்ட் போட்டி இந்தியா வங்காளதேச அணிகளிடையே கொல்கத்தாவில் வெள்ளிக்கிழமை தொடங்கியது. டாஸ் வென்று முதலில் பேட்டிங்கை தேர்வு செய்த வங்காளதேச அணி இந்திய அணியின் பந்து வீச்சை சமாளிக்க முடியாமல் 106 ரன்னில் சுருண்டது.

இதையடுத்து, இந்திய அணி முதல் இன்னிங்சை தொடங்கியது. தொடக்க ஆட்டக்காரர்களாக ரோகித் சர்மாவும், மயங்க் அகர்வாலும் களமிறங்கினர். அகர்வால் 14 ரன்னிலும், ரோகித் சர்மா 21 ரன்னிலும் அவுட்டாகினர். அடுத்து வந்த புஜாராவும் கேப்டன் விராட் கோலியும் நிதானமாக விளையாடி அரைசதம் கடந்தனர்.

முதல் நாள் ஆட்டமுடிவில் இந்திய அணி 3 விக்கெட்டுக்கு 174 ரன்கள் எடுத்தது. இரண்டாம் நாள் ஆட்டம் தொடங்கியது. ரகானேவும் கோலியும் நிதானமாக விளையாடி ரன்களை சேர்த்தனர். ரகானே 51 ரன்களில் ஆட்டமிழந்தார். தொடர்ந்து சிறப்பாக விளையாடிய விராட் கோலி சதமடித்து அசத்தினார். டெஸ்ட் போட்டிகளில் தனது 27வது சதத்தை பதிவு செய்த விராட் கோலி 136 ரன்களில் ஆட்டமிழந்தார்.

அதன்பின்னர் வந்த வீரர்கள் சொற்ப ரன்களில் ஆட்டமிழந்தனர். இதையடுத்து 9 விக்கெட்டுகள் இழப்பிற்கு 347 ரன்கள் எடுத்திருந்த போது டிக்ளேர் செய்வதாக கேப்டன் விராட் கோலி அறிவித்தார். இதையடுத்து, வங்காளதேச அணி தனது இரண்டாவது இன்னிங்சை தொடங்கி ஆடியது. ஆனாலும் அந்த அணியின் ஆட்டக்கார ர்கள் சொற்ப ரன்களில் ஆட்டமிழந்தனர். அடுத்தடுத்து விக்கெட்கள் விழுந்த போதிலும் முஷ்பிகூர் ரகீம் மட்டும் தாக்குபிடித்து ஆடினார்.

இதனால் வங்கதேச அணி இரண்டாம் நாள் ஆட்ட நேர முடிவில் ஆறு விக்கெட்டுகளை இழந்து 152 ரன்கள் எடுத்துள்ளது. இன்னும் மூன்று நாட்கள் உள்ள நிலையில் இந்திய அணி 89 ரன்கள் முன்னிலையில் உள்ளது.

.