Advertisement
Lennim Jobs
குடியிருப்பு பகுதியில் விமானம் விழுந்து நொறுங்கியதில் 23 பேர் பலி

24-11-2019

குடியிருப்பு பகுதியில் விமானம் விழுந்து நொறுங்கியதில் 23 பேர் பலி

24-11-2019

மத்திய ஆப்பிரிக்க நாடுகளில் ஒன்றான காங்கோ நாட்டில் விமானம் விழுந்து விபத்துக்குள்ளானதில் 23 பேர் பலியானார்கள். பிசி பீ என்ற உள்நாட்டு நிறுவனத்தை சேர்ந்த அந்த விமானம் கோமா (goma) விமான நிலையத்தில் இருந்து பெனி நகருக்கு புறப்பட்டு சென்றது.

புறப்பட்ட சில நிமிடங்களில் விமானத்தின் ஒரு என்ஜினில் இருந்து பயங்கர சப்தம் எழுந்ததாகவும், அதனைத் தொடர்ந்து விமானத்தை புறப்பட்ட இடத்திற்கே விமானி திருப்ப முயன்றதாகவும் கூறப்படுகிறது.

இந்த நிலையில் அந்த விமானம் குடியிருப்பு பகுதியில் விழுந்து நொறுங்கி தீப்பிடித்தது. விபத்து நிகழ்ந்த இடத்தில் இருந்து 23 பேரின் சடலங்கள் கண்டெடுக்கப்பட்டுள்ளன. விமானத்தில் பயணித்த அனைவரும் உயிரிழந்து விட்டதாக தெரிவிக்கப்பட்டுள்ளது. விபத்துக்கான காரணம் குறித்து விசாரணை நடத்தப்பட்டு வருகிறது.

.